بیرسٹر سلطان کی سردار سکندر حیات خان کے گھر آمد ، عیادت کی، جلد صحت یابی کی دعا

جمعہ 4 مئی 2018 17:31

اسلام آباد (اُردو پوائنٹ اخبارتازہ ترین - این این آئی۔ 04 مئی2018ء) آزاد کشمیر کے سابق وزیر اعظم و پی ٹی آئی کشمیر کے صدر بیرسٹر سلطان محمود چوہدری نے آزاد کشمیر کے سابق صدر وسابق وزیر اعظم سردار سکندر حیات خان کی انکے گھر جا کر عیادت کی اور انکی جلد صحتیابی کے لئے دعا کی۔

(جاری ہے)

اس موقع پر انھوں نے سردار سکندر حیات خان کے ساتھ مقبوضہ کشمیر میں بڑھتی ہوئی انسانی حقوق کی پامالی اور پاکستان و آزاد کشمیر کی سیاسی صورتحال پر تبادلہ خیا ل کیا۔

اس موقع پر بیرسٹر سلطان محمود چوہدری کے ہمراہ پی ٹی آئی کشمیر کے مرکزی سیکریٹری جنرل دیوان غلام محی الدین، مرکزی سیکریٹری اطلاعات سردار امتیاز، پی ٹی آئی کشمیر کے یورپی یونین کے لئے نمائندے چوہدری نصیر، پی ٹی آئی کشمیر یو اے ای کے مرکزی رہنماء عاصم برق اور دیگر بھی موجود تھے۔