ایف آرکوہاٹ کے مختلف علاقوں میں چار روزہ فری آئی کیمپوں کا انعقاد

ہفتہ 5 مئی 2018 11:20

پشاور۔ (اُردو پوائنٹ اخبارتازہ ترین - اے پی پی۔ 05 مئی2018ء) ڈائریکٹوریٹ آف ہیلتھ سروسز فاٹا کی زیر نگرانی آئی کئیر سروسز پروگرام فاٹا نے ایف آر کوہاٹ کے مختلف علاقوں میں چار روزہ فری آئی کیمپوں کا انعقاد کیا جس میں آئی کئیر پروگرام کی ماہر ٹیموں نے مریضوں کا معائنہ کرکے نہ صرف مفت ادویات تقسیم کیں بلکہ ضرورت مندمریضوں کو نظر کی عینکیں بھی دی ، ایف آرکوہاٹ کے علاقوں اخوروال، بوسٹی خیل،، زرغون خیل، شریف خیل اورملک باز گل حجرہ میں کل 1295مریضوں کو مفت ادویات جبکہ 452مریضوں کو نظر کی عینکیں دی گئیں، 24مریضوں کو جن کو سفید موتیا کی شکایت تھی اٴْنکو 15مئی کو مفت آپریشن کی سہولت اورلینز بھی فراہم کیے جائیں گے۔

(جاری ہے)

مقامی لوگوں نے آئندہ بھی فری کیمپوں کے انعقاد کا مطالبہ کیا۔