پودوں کے جینیاتی وسائل، جین بنک آپریشن کے انتظام کے حوالے سے چار روزہ بین الاقوامی ورکشاپ(کل) شرو ع ہو گی

اتوار 6 مئی 2018 20:30

اسلام آباد(اُردو پوائنٹ اخبارتازہ ترین - آئی این پی۔ 06 مئی2018ء) پاکستان زرعی تحقیقاتی کونسل اور کامسٹیک سیکرٹریٹ کی جانب سے پودوں کے جینیاتی وسائل اور جین بنک آپریشن کے انتظام کے حوالے سے چار روزہ بین الاقوامی ورکشاپ 8 مئی سے شرو ع ہو گی۔تفصیلات کے مطابق پاکستان زرعی تحقیقاتی کونسل اور، کامسٹیک سیکرٹریٹ کی جانب سے پودوں کے جینیاتی وسائل اور جین بنک آپریشن کے انتظام کے حوالے سے بین الاقوامی ورکشاپ 8 سے 11 مئی2018 تک کامسٹیک سیکریٹریٹ اسلام آباد میں منعقد کی جا رہی ہے۔

اس ورکشاپ کے توسط سے او آئی سی اسلامک ممبر ممالک سے 30 سے 35 شرکاء کو معلومات فراہم کرنا ہیں۔ اجلاس میں افغانستان، آزربائی جان، بنگلہ دیش، گیمبیا، روم ، عراق، ایران، ملائیشیا، موروکو، اومان، سینیگال ، سوڈان اور تاجکستان کے ممبران شرکت کرینگے ۔

(جاری ہے)

قومی اور بین الاقوامی ماہرین جین بنک سے متعلق اہم اور مفید معلومات شرکاء تک پہنچائیں گے۔

اس اجلاس کے دو اہم مقاصد ہیں۔ ایک تو یہ کہ پی جی آر ایف اے کے پلانٹ جینیاتی وسائل کو بڑھایا جائے اور دوسرایہ کہ اوآئی سی ممالک کو فصلات کے جین کے بارے میں نئی جدت سے متعلق آگاہی حاصل ہو سکے۔ اس سے جینیاتی وسائل کو بہتر انداز سے بروئے کار لا کر اور نئی ٹیکنالوجی کو اپنا کر فصلات کی پیداوارمیں اضافہ کیا جا سکے گا اور دنیا میں خوراک کی کمی پر قابو پانے میں بہت مدد ملے گی۔