پاکستان کی کابل میں وحشیانہ دہشت گرد حملے کی شدید مذمت

بدھ مئی 23:15

اسلام آباد ۔ (اُردو پوائنٹ اخبارتازہ ترین۔ 09 مئی2018ء) پاکستان نے افغانستان کے دارالحکومت کابل میں وحشیانہ دہشت گرد حملے کی شدید مذمت کی ہے۔۔دفتر خارجہ کے ترجمان کے مطابق پاکستان نے بدھ کو کابل میں دہشت گرد حملے کی شدید مذمت کرتے ہوئے کہا ہے کہ بیگناہ سویلین کو نشانہ بنانا اور معمولات زندگی کو درہم برہم کرنے کا کوئی جواز نہیں۔

(جاری ہے)

پاکستان نے مشکل کی اس گھڑی میں افغانستان کی حکومت اور عوام کیساتھ مکمل یہکجہتی کا اظہار کیا ہے ۔ترجمان کا کہنا ہے کہ پاکستان دہشت گردی کی لعنت پر قابو پانے کیلئے افغانستان کو ہر ممکن تعاون کی فراہمی کیلئے تیار ہے۔