سلمان خان کے مشہور شو ’ دس کا دم ‘ کا ایک اور پرومو جاری کردیا گیا

ہفتہ مئی 12:44

سلمان خان کے مشہور شو ’ دس کا دم ‘ کا ایک اور پرومو جاری کردیا گیا
ممبئی (اُردو پوائنٹ اخبارتازہ ترین۔ 12 مئی2018ء) بالی ووڈ ادا کار سلمان خان کے مشہور شو ’ دس کا دم ‘ کے تیسرے سیزن کا ایک اور پرومو جاری کردیا گیا۔۔بھارت میں سب سے زیادہ دیکھے جانے والا شو ’بگ باس ‘ کے بعد بالی ووڈ کے دبنگ اداکار سلمان خان کا ایک اور شو ’دس کا دم ‘ بھی خاصی اہمیت کا حامل ہے جس میں بالی ووڈ سے وابستہ شخصیات کے ساتھ گیم کھیلا جاتا ہے اور سلمان خان اپنے مخصوص انداز میں میزبانوں کے ساتھ مذاق مستی کرکے شو کو چار چاند لگادیتے ہیں۔

(جاری ہے)

سلمان خان نے چند روز قبل سماجی رابطے کی ویب سائٹ ٹوئٹر پر’ دس کا دم ‘ کے تیسرے سیزن کا پرومو جاری کیا تھا جس میں وہ لڑکی سے سوال کرتے ہیں کہ کتنے فیصد بھارتی لڑکے لڑکیوں کو متاثر کرنے کیلئے انگریزی جھاڑتے ہیں اور ان کے اس پرومو کو بھرپور پذیرائی حاصل ہوئی تھی۔دبنگ خان نے اب سماجی رابطے کی ویب سائٹ پر ’دس کا دم‘ کے تیسرے سیزن کا اور مو جاری کردیا ہے اور اسے پہلے پرومو سے بھی زیادہ پسند کیا جارہا ہے جس میں وہ ایک لڑکے سے سوال کررہے ہیں کہ کتنے فیصد بھارتی شادیوں میں برائیاں نکالتے ہیں۔گیم شو ’دس کا دم 3‘ بھارتی ٹی وی چینل پر نشر کیا جائیگا جبکہ اس بار شو میں نامور شخصیات کے ساتھ ساتھ عام لوگوں کو بھی شامل کرنے کا فیصلہ کیا گیا ہے۔