غیرملکی خبررساں اداروں کے سربراہان اورنمائندوں نے اے پی پی کے زیراہتمام نیوزایجنسیز کی بین الاقوامی کانفرنس کو سنجیدہ اوربروقت کاوش قراردے دیا
خبررساں اداروں کے کردار کو ڈیجیٹل دورکے تقاضوں سے ہم آہنگ کرنا اشد ضروری ہے،میڈیا کی طاقت کو دستیاب ٹیکنالوجیز کو بروئے کارلاکر انسانی ترقی کے عمل کو آگے بڑھایا جاسکتاہے باہمی تعاون سے حقائق پرمبنی خبروں کی فراہمی ، ان اداروں کے مستقبل پربھی خوش آئند اثرات مرتب ہوں گے اے پی پی کے زیراہتمام بین الاقوامی خبررساں اداروں کی کانفرنس سے غیرملکی خبررساں اداروں کے سربراہان اورنمائندوں کا خطاب
اتوار 13 مئی 2018 22:10
(جاری ہے)
ایران کے قومی خبررساں ادارہ ارنا کے ایڈیٹرانچیف فردین پازوکی نے خطاب کرتے ہوئے قیام پاکستان کے 70برس مکمل ہونے پرپاکستان کی حکومت اورعوام کومبارکباد دی ۔
انہوں نے کہاکہ انسانیت اورامن پسنداقوام کے دشمنوں کی جانب سے منفی پراپیگینڈہ کے دورمیں ترقی پذیربالخصوص مسلمان ممالک کے درمیان میڈیا اورابلاغ عامہ کے شعبوں میں تعاون ناگزیز ہے۔انہوں نے کہاکہ خبررساں اداروں کیلئے ابھرتے ہوئے چیلنجوں سے متعلق اے پی پی کی یہ بین الاقوامی کانفرنس سنجیدہ اوربروقت کوشش ہے جس کی جتنی بھی تعریف کی جائے کم ہے،انہوں نے ارنا کے مینجنگ ڈائریکٹر سیدضیاء ہاشمی، ڈائریکٹرز اورعملہ کی جانب سے قیام پاکستان کے 70برس مکمل ہونے پر کانفرنس کے ا نعقاد پر اے پی پی کومبارکباد کا پیغام بھی دیا۔انہوں نے کہاکہ نامساعد ماحول میں صحافیوں کا تحفظ اور ڈٖیجیٹل دورمیں نیوزایجنسیوں کا بدلتا ہواکردار اس کانفرنس میں شریک ممالک کے مندوبین کا موضوع ہونا چاہئیے،بدقسمتی سے گزشتہ کچھ عرصہ میں افغانستان سمیت کئی ممالک میں صحافی پیشہ وارانہ کرداراداکرنے کے دوران اپنی جانوں سے ہاتھ دھوبیٹھے ہیں، صحافیوں کاتحفظ ایک اہم ایشوہے، اس کے ساتھ ساتھ نیوزایجنسیوں کے کردار کو ڈیجیٹل دورکے تقاضوں کے مطابق ہم آہنگ کرنا بھی ضروری ہے ، اس ضمن میں قومی خبررساں اداروں کے درمیان زیادہ سے زیادہ تعاون سے نہ صرف حقایق پرمبی خبروں کی فراہمی ممکن ہوسکے گی بلکہ ان اداروں کے مستقبل کیلئے بھی یہ بہتر ہوگا۔انہوں نے کہاکہ ان کاادارہ اس ضمن میں ہرطرح کاکرداراداکرنے کیلئے تیارہے،لبنان کی نیشنل نیوز ایجنسی کی ڈائریکٹر لارے سلیمان نے اپنے خطاب میں پاکستان کی 70سالہ تقریبات کے سلسلے میں ایسوسی ایٹڈ پریس آف پاکستان کی جانب سے خبر رساں اداروں کی بین الاقوامی کانفرنس کے انعقاد کو سراہا اور کہا کہ یہ نیوز ایجنسیز کے مابین تعاون کو فروغ دینے کے سلسلے میں نہایت اہم اقدام ہے۔ انہوں نے کہا کہ ہم سب کا میڈیا کی طاقت پر یقین ہے، ہمارا بنیادی مقصد دستیاب ٹیکنالوجیز کو اس سطح پر لے جانا ہونا چاہئے جو انسانی ترقی کو یقینی بنائے ۔انہوں نے کہا کہ ڈیجٹیل انفارمیشن تک رسائی ایک ضرورت بن چکی ہے، موجودہ دور میں روایتی صحافت بتدریج ڈیجٹیل جرنلزم میں تبدیل ہو رہی ہے اس تناظر میں این این اے جدید دور کی ڈیجیٹل ایوولوشن کے ساتھ ہم آہنگی کیلئے کوشاں ہے اور اس سلسلے میں جدید ترین ٹیکنالوجیز اپنائی جا رہی ہیں۔ انہوں نے کانفرنس کے شاندار انتظام پر اے پی پی منتظمین کو مبارکباد دی اور پاکستان کی آزادی کی 70سالہ تقریبات کے حوالے سے نیک تمنائوں کا اظہار بھی کیا۔سعودی عرب سے یونین آف او آئی سی نیوز ایجنسیز کے ڈائریکٹر جنرل کے نمائندہ الصادق بشیر ہارون نے اپنے خطاب میں پاکستان کی 70 سالہ تقریبات کے سلسلہ میں حکومت اور عوام کو مبارکباد پیش کرتے ہوئے ترقی، استحکام اور خوشحالی کیلئے نیک تمنائوں کا اظہار کیا۔ انہوں نے کہا کہ اسلامک نیوز ایجنسی کے یونین آف نیوز ایجنسز آف او آئی سی میں تبدیلی کے بعد اے پی پی کی جانب سے دنیا بھر کی نیوز ایجنسیوں کی بین الاقوامی کانفرنس کا انعقاد بہت اہم اقدام ہے۔ انہوں نے کہا کہ آج کے دور میں نیوز ایجنسیوں کو پروفیشنلزم اور خبروں کے مصدقہ ہونے سے متعلق پرعزم رہتے ہوئے مواصلات اور خبروں کے تبادلے کے طریقوں میں ٹیکنالوجی میں ترقی کی رفتار سے ہم آہنگی تیار کرنے کی ضرورت ہے۔ انہوں نے اے پی پی کی جانب سے اس اہم کانفرنس کے انعقاد کو سراہتے ہوئے منتظمین کا شکریہ ادا کیا۔مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.