بالی ووڈ‘ خوبصورت آنکھوں والی اداکارہ زرین خان 27برس کی ہو گئیں

پیر 14 مئی 2018 17:42

ممبئی (اُردو پوائنٹ اخبارتازہ ترین - آئی این پی۔ 14 مئی2018ء) خوبصورت آنکھوں والی بھارتی اداکارہ اور ماڈل زرین خان31 برس کی ہوگئیں۔ زرین خان14 مئی 1987کو بھارتی شہر ممبئی میں ایک مسلم پٹھان گھرانے میں پیدا ہوئیں۔انہوں نے اپنی تعلیم ممبئی میں ہی مکمل کی۔زرین خان نے اپنے کریئر کا آغاز ماڈلنگ سے کیا۔اسکے بعد 2009 میں فلم ویر کے ذریعے بالی وڈ میں قدم رکھا۔

اس فلم میں انکے ساتھ سلمان خان جلوہ گر ہوئے تھے۔

(جاری ہے)

زرین خان کی مقبولیت کا ایک راز بالی وڈ اداکارہ کترینا کیف سے مشابہت بھی ہے۔ بہت سے لوگوں کا کہنا ہے کی ان کی لک کترینا جیسی ہے۔اداکارہ نے اپنے مختصر سے کریئر میں ایک آئٹم سانگ بھی کیا جو کہ دو ہزار گیارہ میں آئی فلم ریڈی کا گانا، کیریکٹر ڈھیلا تھا۔اس گانے نے اداکارہ کی مقبولیت میں خوب اضافہ کیا۔ ہندی فلموں کے علاوہ زرین نے تامل فلموں میں بھی اداکاری کے جوہر دکھائے۔ بالی وڈ میں ویر کے بعد انہوں نے ہاؤس فل ٹو میں کام کیا جس میں انکی اداکاری کو خوب سراہا گیا۔ اس کے علاوہ انہوں نے ایک بنجابی فلم میں بھی کام کیا جسکا نام جٹ جیمس بانڈ ہے۔