منہاج القرآن نے رمضان میں ملک بھر میںدروس عرفان القرآن کا شیڈول جاری کر دیا

ْ سکالرزاسلام،احسان ،حصول تقویٰ،عقیدہ ختم نبوت ،ایثار،قربت الٰہی کے موضوعات پر درس دینگے

جمعرات 17 مئی 2018 20:18

لاہور(اُردو پوائنٹ اخبارتازہ ترین - این این آئی۔ 17 مئی2018ء) تحریک منہاج القرآن نے رمضان المبارک کے مقدس اور بابرکت مہینے میں لاہور سمیت پورے ملک میں دروس عرفان القرآن کا شیڈول جاری کر دیا ۔چاروں صوبوں بشمول آزاد کشمیر،گلگت، بلتستان میں سینکڑوں مقامت پر منہاج القرآن علماء کونسل اور تحریک منہاج القرآن کی نظامت دعوت و تربیت کے سکالرز اسلام،احسان ،حصول تقویٰ،عقیدہ ختم نبوت ،اسوہ خیر النساء،ایثار،قربت الہیٰ و دیگر اہم موضوعات پر درس دینگے۔

منہاج القرآن کے سکالرزمعاشرتی مادیت پرستی کے فتنے کو قرآنی تعلیمات کے ذریعے ختم کر کے آئندہ نسلوں میں قرآن مجید کی محبت پیدا کر کے قرآن اور صاحب قرآن سے ٹوٹا تعلق بحال کرنے کی جدوجہد کر رہے ہیں۔فہم قرآن کی عظیم دولت کے حصول کیلئے قرآن مجید کے ساتھ تعلیم و تعلم کا تعلق قائم کرنا وقت کا اولین تقاضا ہے۔

(جاری ہے)

لاہور،گوجرانوالا، گجرات ،لالہ موسیٰ،پنڈی،اسلام آباد ،پشاور ،ایبٹ آباد،ملتان،بھکر،ڈیرہ غازی خان،حیدر آباد ،کراچی،آزاد کشمیر،گلگت بلتستان کے اہم شہروں سمیت ملک کے دیگر شہروں میں تحریک منہاج القرآن کے زیر اہتمام سینکڑوں مقامات پر نماز فجر کے بعد دروس عرفان القرآن کا سلسلہ شروع کر دیا گیا ہے جو رمضان المبارک کے پورے مہینے تک جاری رہے گا۔