سینیٹ میں فاٹا آئینی ترمیمی بل کے دوران جمعہ کی نماز کا وقفہ نہ کیا گیا

پارلیمنٹ کی مسجد میں نماز جمعہ کی ادائیگی کے وقت ایوان بالا کی گھنٹیاں بجا کر نماز میں خلل ڈال دیا گیا، آئینی ترمیمی بل کی منظوری کا عمل مکمل ہونے کے بعد پارلیمنٹ کی مسجد میں دوبارہ نماز جمعہ کی ادائیگی کا انتظام کیا گیا

جمعہ 25 مئی 2018 20:31

اسلام آباد(اُردو پوائنٹ اخبارتازہ ترین - آئی این پی۔ 25 مئی2018ء) سینیٹ میں فاٹا کے خیبر پختونخوا میں انضمام سے متعلق آئینی ترمیمی بل کے دوران جمعہ کی نماز کا وقفہ نہ کیا گیا اور پارلیمنٹ کی مسجد میں نماز جمعہ کی ادائیگی کے وقت ایوان بالا کی گھنٹیاں بجا کر نماز میں خلل ڈال دیا گیا۔ آئینی ترمیمی بل کی منظوری کا عمل مکمل ہونے کے بعد پارلیمنٹ کی مسجد میں دوبارہ نماز جمعہ کی ادائیگی کا انتظام کیا گیا۔

(جاری ہے)

جمعہ کو سینیٹ کا اجلاس چیئرمین صادق سنجرانی کی زیر صدارت ہوااجلاس میں فاٹا کے خیبر پختونخوا میں انضمام سے متعلق آئینی ترمیمی بل پیش کیا گیا جسکی منظوری کے دوران جمعہ کی نماز کا وقفہ نہ کیا گیا اور چیئرمین سینیٹ نے بل کی منظوری کا عمل جاری رکھا۔ آئینی ترمیمی بل کے دوران رولز کے تحت ایوان کی گھنٹیاں بجائی گئیں تاکہ چیمبرز میں موجود سینیٹرز ایوان میں آجائیں،اسی دوران پارلیمنٹ کی مسجد میں نماز جمعہ کی ادائیگی جاری تھی ۔ آئینی ترمیمی بل کی منظوری کا عمل مکمل ہونے کے بعد پارلیمنٹ کی مسجد میں دوبارہ نماز جمعہ کی ادائیگی کا انتظام کیا گیا۔