پنجاب میں نگران وزیراعلیٰ کے معاملے پرمسلم لیگ(ن) اور پی ٹی آئی نے سیاست کو تماشہ بنا دیا ، عمران نیازی قوم کو بتائیں کہ محمود الرشید کتنے میں بکے اور نگران وزیراعلیٰ کے حوالے سے شہباز شریف کے ساتھ کیا ساز باز کی

پیپلزپارٹی کی سیکریٹری جنرل نیر حسین بخاری کاردعمل

بدھ 30 مئی 2018 21:31

اسلام آباد(اُردو پوائنٹ اخبارتازہ ترین - آئی این پی۔ 30 مئی2018ء) پاکستان پیپلزپارٹی کی سیکریٹری جنرل نیر حسین بخاری نے کہاہے کہ پنجاب میں نگران وزیراعلیٰ کے حوالے سے مسلم لیگ(ن) اور پی ٹی آئی نے سیاست کو تماشہ بنا دیا ہے۔ عمران نیازی قوم کو بتائیں کہ محمود الرشید کتنے میں بکے اور نگران وزیراعلیٰ کے حوالے سے شہباز شریف کے ساتھ کیا ساز باز کی۔

(جاری ہے)

سید نیر حسین بخاری نے کہا کہ کے پی کے بعد پنجاب میں پی ٹی آئی کا کردار قطعی طور پر بے نقاب ہو گیا ہے اور ثابت ہو گیا ہے کہ پی ٹی آئی غیر سیاسی اور غیر سنجیدہ افراد کا لشکر ہے۔ انہوں نے کہا کہ جس انداز سے پی ٹی آئی نے فیصلے کئے ان سے یہ حقیقت بھی کھل کر سامنے آئی ہے کہ عمران نیازی میں قومی اہمیت کے فیصلے کرنے کی صلاحیت ہی نہیں ہے۔ نیر حسین بخاری نے کہا کہ باشعور قوم ایسے شخص یا اس کے لشکر کو ملک کی قیادت کیسے سونپ سکتی ہے جو سیاسی بصیرت سے محروم اور درست فیصلہ کرنے کی صلاحیت نہ رکھتا ہو۔