ہمارے تمام مسائل کا حل قرآن کے نظام میں موجود ہے،دردانہ صدیقی

جمعرات 31 مئی 2018 23:14

کراچی(اُردو پوائنٹ اخبارتازہ ترین - آئی این پی۔ 31 مئی2018ء) قرآن معاشرتی امراض کی تشخیص کے ساتھ ان کاعلاج بھی تجویز کرتا ہے،اگر ہم قرآن کی خوشخبری کے مطابق اللہ کے عہد کو نبھائیں تو اللہ بھی اپنے عہد کو نبھاتا ہے ان خیالات کا اظہار سیکرٹری جنرل جماعت اسلامی دردانہ صدیقی نے گل خیرن قرآن انسٹیٹیوٹ کیمپس 5 میں تکمیل تفسیر قرآن کی اختتامی تقریب سے خطاب کرتے ہوئے کیا۔

(جاری ہے)

انہوں نے مزید کہا کہ اختیارات اگر اہل تقویٰ کے ہاتھ میں ہوں تو وسائل لوگوں کے مسائل حل کرنے میں استعمال ہوتے ہیں انہوں نے کہا کہ امت مسلمہ دنیا بھر میں مسائل کا شکار اسی لئے ہے کہ امت میں مخلص رہنماؤں کا فقدان ہے۔دردانہ صدیقی نے مزید کہا کہ ہمارے تمام مسائل کا حل قرآن کے نظام میں ہے ہمیں چاہیے کہ اس نظام کے نفاذ کے لیے جدوجہد کریں۔پاکستان کی نظریاتی اساس کے تحفظ کے لئے بھی اسلام پسند قوتوں کا باہمی اتحاد ملک و قوم کی ضرورت ہے