ریڈ کراس کا اسرائیلی فائرنگ سے زخمی ہونے والے فلسطینیوں کے لئے ڈاکٹروں کی 2 ٹیمیں غزہ روانہ کرنے کا اعلان

جمعہ جون 10:20

جنیوا۔ یکم جون (اُردو پوائنٹ اخبارتازہ ترین۔ 01 جون2018ء) بین الاقوامی امدادی تنظیم ریڈ کراس نے کہا ہے کہ وہ جنگی حالات میں کام کرنے والے سرجنوں کی دو ٹیمیں غزہ روانہ کرے گی۔

(جاری ہے)

جرمن نشریاتی ادارے کے مطابق اس سرجیکل یونٹ کے قیام کا مقصد اسرائیلی فائرنگ سے زخمی ہونے والے فلسطینیوں کا علاج معالجہ ہے۔سرجنوں کی دونوں ٹیمیں کم از کم 4 ہزار پیچیدہ آپریشنز کریں گی۔واضح رہے کہ غزہ اسرائیل سرحد پر ہونے والی حالیہ جھڑپوں میں115 فلسطینی شہید اور13 ہزار زخمی ہوئے تھے۔ ان میں سے 3600 فلسطینی براہ راست فائرنگ سے متاثر ہوئے تھے۔