متحدہ عرب امارات میں 9ویں حلال ایکسپورواں سال ستمبرمیں منعقد ہوگی

ہفتہ جون 13:51

متحدہ عرب امارات میں 9ویں حلال ایکسپورواں سال ستمبرمیں منعقد ہوگی
اسلام آباد ۔ (اُردو پوائنٹ اخبارتازہ ترین۔ 02 جون2018ء) متحدہ عرب امارات میں 9ویں حلال ایکسپورواں سال ستمبرمیں منعقد ہوگی ۔ایکسپو دبئی 2018کے نام سے اس نمائش میں حلال بیف اورگوشت کاکاروبارکرنے والی بین الاقوامی کمپنیاں شرکت کریں گی۔ نمائش میں متعدد پاکستانی کمپنیوں کی شرکت متوقع ہے۔ پاکستان کا شمار دنیا بھر میں لائیو اسٹاک پیدا کرنے والے چند بڑے ممالک میں ہوتا ہے۔

پاکستان نہ صرف حلال گوشت کی مقامی ضروریات پوری کر سکتا ہے بلکہ دنیا کو بھی حلال مصنوعات فراہم کر سکتاہے ۔

(جاری ہے)

ماہرین کے مطا بق پاکستان دنیا کی بڑی حلال مارکیٹ بن سکتا ہے، تاہم ضرورت اس امر کی ہے کہ حکومت پاکستانی حلال مصنوعات کی مارکیٹنگ درست طریقے سے کرے۔ دنیا بھر کی حلال مارکیٹ میں اربوں ارب ڈالرز کا کاروبار ہوتا ہے، تاہم اس میں پاکستان کا حصہ نہ ہونے کے برابر ہے۔

پاکستانی جانوروں کا گوشت دنیا بھر میں پسند کیا جاتا ہے، جبکہ ہمارے پاس نیلی راوی بھینس اور ساہیوال گائے جیسے بہترین مویشی موجود ہیں، تاہم ماہرین کا کہنا ہے کہ حلال مصنوعات کی تقریبا 3 کھرب ڈالر مالیت کی مارکیٹ تک رسائی کیلئے پاکستان کو اپنی لائیو اسٹاک مصنوعات بین الاقومی معیار تک لانے کی ضرورت ہی ۔