ٹی ڈی اے پینے ویتنام میں ’’13 ویں ویتنام انٹرنیشنل نمائش‘‘ میں شرکت کے لئے 25 جون تک درخواستیں طلب کر لیں

منگل 5 جون 2018 10:00

اسلام آباد ۔ (اُردو پوائنٹ اخبارتازہ ترین۔ 05 جون2018ء) ٹریڈ ڈویلپمنٹ اتھارٹی آف پاکستان (ٹی ڈی اے پی) نے ویتنام میں منعقد ہونیو الی ’’13 ویں ویتنام انٹرنیشنل نمائش‘‘ میں شرکت کے لئے 25 جون 2018ء تک درخواستیں طلب کی ہیں۔

(جاری ہے)

ٹی ڈی اے پی کی جانب سے جاری کردہ تفصیلات کے مطابق عالمی نمائش میں آلات جراحی ‘ ادویات ‘ طبی آلات ‘ بیوٹی پراڈکٹس اور ہسپتالوں کے آلات سمیت دیگر مختلف طبی آلات ومصنوعات تیار و برآمد کرنے والے ادارے شرکت کے ذریعے اپنی مصنوعات کی نمائشی اور کاروباری معاملات طے کرسکیں گے۔ عالمی تجارتی نمائش 19تا 22 ستمبر2018ء کو ہوچن من ‘ ویتنام میں منعقد ہو گی اور اس حوالے سے مزید تفصیلات اتھارٹی کی ویب سائٹ سے بھی حاصل کی جاسکتی ہیں۔