ایرانی قوم امریکہ کی دھمکی میں آنے والی نہیں،بہرام قاسمی

جوہری معاہدے کی خلاف ورزی ٹرمپ انتظامیہ کی عالمی قوانین اور معاہدوں کو نظر انداز کرنے کی علامت ہے ترجمان ایرانی وزارت خارجہ کا امریکی صدر کے ایران مخالف حالیہ بیانات پر رد عمل

اتوار 10 جون 2018 15:40

تہران (اُردو پوائنٹ اخبارتازہ ترین - آئی این پی۔ 10 جون2018ء) ایرانی وزارت خارجہ کے ترجمان بہرام قاسمی نے امریکی صدر ٹرمپ کے ایران مخالف بیان پر اپنے رد عمل میں کہا ہے کہ ایران کے بہادر عوام نے ہمیشہ ثابت کیا ہے کہ وہ دھمکیوں کے سامنے ہرگز اپنی سوچ اور رویے کو متاثر نہیں ہونے دیں گے لہذا جب تک امریکہ، ایرانی قوم کے ساتھ دھمکی اور پابندیوں کے بجائے عزت اور منطق کی زبان کا استعمال نہ کرے تو اس کے ساتھ کسی بھی طرح کے مذاکرات کی کوئی گنجائش نہیں ہی.انہوں نے کہا کہ ایرانی عوام اغیار کے جارحانہ اقدامات کے سامنے دانشورانہ سلوک اور موثر حکمت عملی کے ذریعے مزاحمت کا راستہ اپناتے ہیں.

(جاری ہے)

ترجمان دفتر خارجہ نے کہا کہ جوہری معاہدے کی خلاف ورزی امریکی حکومت بالخصوص ٹرمپ انتظامیہ کی جانب سے عالمی قوانین اور معاہدوں کو نظر انداز کرنے کی علامت ہی.انہوں نے کہا کہ آج کوئی بھی مشرقی یا مغربی ملک امریکہ کے ساتھ تعاون کو امید کی نگاہ سے نہیں دیکھتا.بہرام قاسمی نے کہا کہ ایرانی قوم اور حکومت ہرگز کسی ملک کے خلاف پابندی، دھمکی، تشدد اور غیرقانونی سلوک کا خیر مقدم نہیں کرتی بلکہ ایسے ظالمانہ رویوں کی مذمت کر رہی ہی.قاسمی نے کہا کہ ٹرمپ کے لئے بہتر ہے کہ ایران کے ساتھ مذاکرات کرنے کی سوچ کے بجائے دوسرے ممالک کے خلاف اپنے رویے کو درست کریں.