7 امیدواروں کا احتجاج،

فیاض الحسن چوہان سے پی پی 17 راولپنڈی کا ٹکٹ واپس لے لیا گیا حلقے سے ٹکٹ کا فیصلہ عمران خان عمرہ کی ادائیگی کے بعد کریں گے‘ پارٹی ذرائع

پیر 11 جون 2018 13:01

راولپنڈی (اُردو پوائنٹ اخبارتازہ ترین - آئی این پی۔ 11 جون2018ء) چیئرمین تحریک انصاف عمران خان کی ہدایت پر فیاض الحسن چوہان سے پنجاب اسمبلی کے حلقہ پی پی 17 اولپنڈی کا ٹکٹ واپس لے لیا گیا ہے۔پی ٹی آئی میں عام انتخابات کیلئے ٹکٹوں کا اعلان ہونے کے بعد سے پیدا ہونے والا ہنگامہ کسی طور بھی تھمنے کا نام نہیں لے رہا ہے جس کے باعث عمران خان کو انتہائی اہم اقدامات اٹھانے پڑ رہے ہیں جن میں ٹکٹوں کی واپسی بھی شامل ہے۔

(جاری ہے)

عمرے پر جانے سے پہلے عمران خان نے پی ٹی آئی کے مرکزی رہنما فیاض الحسن چوہان سے ٹکٹ واپس لینے کی ہدایت کردی ہے۔ذرائع کا کہنا ہے کہ پی ٹی آئی کی جانب سے فیاض الحسن چوہان کو پی پی 17 اولپنڈی سے ٹکٹ جاری کیا گیا تھا تاہم انہیں ٹکٹ جاری ہونے پر 7 امیدواروں نے احتجاج کیا تھا جس کے باعث ان سے ٹکٹ واپس لے لیا گیا ہے۔ ذرائع نے مزید بتایا کہ اس حلقے سے ٹکٹ کا فیصلہ عمران خان عمرہ کی ادائیگی کے بعد کریں گے۔