ظفر وال، مسلم لیگ ن کو چھوڑ کر سابق ایم این اے میاں محمد رشید کو پی ٹی آئی کا ٹکٹ کیوں دیا

پی ٹی آئی کے نظریاتی کارکن نے احتجاجا اپنا انگوٹھا کاٹ دیا

پیر 11 جون 2018 18:55

ظفر وال، مسلم لیگ ن کو چھوڑ کر سابق ایم این اے میاں محمد رشید کو پی ٹی ..

ظفر وال (اُردو پوائنٹ اخبارتازہ ترین - آئی این پی۔ 11 جون2018ء) مسلم لیگ کو چھوڑ کر آنے والے کو ٹکٹ کیوں دیا نوجوان نے احتجاجًا اپنے ہاتھ کا انگوٹھا کاٹ لیا ۔

(جاری ہے)

تفصیلات کے مطابق ظفروال کے نواحی سرحدی گاوں بیرا دنوٹ کے رہائشی اور پی ٹی آئی کے نظریاتی کارکن شوکت علی ولد اللہ رکھا نے گزشتہ روز احتجاجًا اس لیے اپنے ہاتھ کا انگوٹھا کاٹ دیاکہ حال ہی میں مسلم لیگ ن کو چھوڑ کر سابق ایم این اے میاں محمد رشید کو پی ٹی آئی کا ٹکٹ کیوں دیا اس بات پر میڈیا سے گفتگو کرتے ہوئے شوکت علی نے کہا کہ دس سال مسلم لیگ ن میں اقتدار کے مزے لوٹنے والے آج سیاسی موسم تبدیل ہوتا دیکھ کر پارٹی بدل کر پاکستان تحریک انصاف میں شامل ہو گئے ہیں اور ابھی انہیں جمعہ جمعہ آٹھ دن بھی نہیں ہوئے اور وہ لوگ کہ جنہوں نے پی ٹی آئی کی خاطر قربانیاں دی احتجاجوں میں شرکت کرتے رہے آج انہیں نظر انداز کر کے ان کارکنوں کے ساتھ عمران خان نے بہت بڑا ظلم کیا ہے میں اپنا انگوٹھا اسی ظلم کے خلاف احتجاج کی صور ت میں کاٹ رہا ہوں اس موقع پر نوجوان کو فوری طور پر ہسپتال لے کر جایا گیا یا د رہے کہ پی ٹی آئی نے ٹکٹوں کی تقسیم میں جس طر ح بند ر بانٹ کی ہے اس صورتحال کو دیکھ کر پی ٹی آئی کا ووٹر حلقہ این اے 77میں شدید پر یشانی میں مبتلا ہے اور شوکت علی ولد اللہ رکھا نے پی ٹی آئی کے چئیر مین عمران خان سے مطالبہ کیا ہے کہ پی ٹی آئی کا ٹکٹ این اے 77میں عرفان عابد کو دیا جائے جو اس کے صیح حق دار ہیں