مہاجر بچوں کو سرحد پر ہی مارڈالو،

امریکی خاتون زہرافشانی پر نوکری سے معطل خاتون کے ریمارکس پر سوشل میڈیاصارفین کی شدید تنقید،مزید تفتیش کے لیے معاملہ تحقیقاتی ایجنسی کو بھجوادیاگیا

ہفتہ 23 جون 2018 15:14

واشنگٹن(اُردو پوائنٹ اخبارتازہ ترین - این این آئی۔ 23 جون2018ء) سوشل میڈیا پر مہاجر بچوں کو سرحد پر قتل کرنے کے الفاظ استعمال کئے جانے پرامریکی خاتون کو نوکری سے معطل کرکے رخصت پر بھیج دیا گیا ۔

(جاری ہے)

امریکی ٹی وی کے مطابق اوریگن ڈپارٹمنٹ آف ٹراسپورٹیشن (او ڈوٹ) کی ملازمہ لوری میک ایلن نامی خاتون نے سماجی رابطے کی ویب سائٹ فیس بک پر لکھا تھا کہ میرا ذاتی خیال ہے کہ انہیں ان تمام کو سرحد پر ہی گولی مار دینی چاہئے اور اس عمل کو اچھا کہنا چاہئے اس سے ہم محنتی امریکیوں کے ٹیکسوں میں کروڑوں ڈالرز بچیں گے۔

میک ایلن کے غیر انسانی اظہار خیال پر فوری ردعمل سامنے آیا اور ہزاروں افراد نے خاتون کو شدید تنقید کا نشانہ بنایا ، سیکڑوں ناراض افراد نے خاتون کے خلاف اس کے ادارے سے رابطہ کرکے اسے نوکری سے نکالنے کا مطالبہ کیا۔میک ایلن تنقید برداشت نہ کرسکی اور اپنے تمام سماجی رابطے کے اکاونٹس بند کردئیے۔بعد ازاں اوڈوٹ نے اعلان کیا کہ ایجنسی اس معاملے کی تحقیقات کر رہی ہے اور خاتون ملازمہ کو مزید نوٹس تک کیلئے معطل کردیا گیا ہے۔