ماحولیاتی آلودگی کیس،سپریم کورٹ کا عدالتی حکم پر عمل نہ کرنے والی فیکٹریاں سیل کرنے کا حکم، دو ہفتے میں رپورٹ طلب

منگل 26 جون 2018 15:12

اسلام آباد (اُردو پوائنٹ اخبارتازہ ترین - آئی این پی۔ 26 جون2018ء) سپریم کورٹ نے ماحولیاتی آلودگی سے متعلق کیس میں عدالتی حکم پر عمل نہ کرنے والی فیکٹریاں سیل کرنے کا حکم دیتے ہوئے دو ہفتے میں پیشرفت رپورٹ طلب کرلی۔

(جاری ہے)

منگل کوسپریم کورٹ میں سیکٹر آئی نائن میں ماحولیاتی آلودگی سے متعلق کیس کی سماعت ہوئی، ڈی جی ای پی اے نے عدالت میں بتایا کہ ضروری 1997سے کیس چل رہا ہے 7جولائی 2010کو سپریم کورٹ نے اسٹیل ملز سیل کرنے کا حکم دیا تھا۔ چیف جسٹس نے کہا کہ آپ کو آج ہی پولیس فراہم کرتے ہیں، سپریم کورٹ نے عدالتی حکم پر عمل نہ کرنے والی فیکٹریاں سیل کرنے کا حکم دے دیا، چیف جسٹس نے دو ہفتے میں پیشرفت رپورٹ طلب کرلی۔