حافظ آباد، پولیس نے ایلیٹ فورس ، سی آئی اے اور حساس اداروں کے اہلکاروں کے ہمراہ مختلف علاقوں میں آپریشن،14ملزمان کو گرفتار

جمعہ 29 جون 2018 19:17

حافظ آباد(اُردو پوائنٹ اخبارتازہ ترین - آئی این پی۔ 29 جون2018ء) حافظ آباد پولیس نے ایلیٹ فورس ، سی آئی اے اور حساس اداروں کے اہلکاروں کے ہمراہ ونگے ، دھنوئے ڈوگراں اوراور جگانوالہ کے علاقوں میں آپریشن کرکے 14ملزمان کو گرفتار کرلیا ۔ آپریشن کے نتیجہ میں اسلحہ اور ایمونیشن کی بڑی کھیپ پکڑ ی گئی۔

(جاری ہے)

خفیہ معلومات کی بنیاد پر کیے جانے والے آپریشن میں شراب کی چالو بھٹیاں، شراب اور منشیات بھی پکڑی گئی ہے۔

برآمد کیے جانے والے اسلحہ میں کلاشنکوف، رائفل44بور، پسٹل 30بور، پسٹل 9mm، رائفل12بور سینکڑوں کی تعداد میں گولیاں شامل ہیں۔ آپریشن کے دوران جن ملزمان کو گرفتار کیا گیا۔ ان میں ظفر اقبال، محمد اسلم ملک ،فضل احمد، محمد عاشق، محمد اعظم، عرفان، ارسلان، امداد، محمد نواز، محمد مالک، زبیدہ بی بی، عبادت، آفتاب، محمد ارشادوغیرہ شامل ہیں۔