گوجرانوالہ،شہر اور گردو نواح میں موسلادھار بارش سے نشیبی علاقے زیر آب آگئے

منگل 3 جولائی 2018 23:40

گوجرانوالہ ۔ (اُردو پوائنٹ اخبارتازہ ترین - اے پی پی۔ 03 جولائی2018ء) شہر بھر اور گردو نواح میں موسلادھار بارش ہونے سے نشیبی علاقے زیر آب آگئے ، سمیت شہریوں کو آمدورفت میں مشکلات کا سامنا کرنا پڑا، تفصیلات کے مطابق گزشتہ رات شہر بھر اور گردو نواح کے علاقوں میںموسلا دھار بارش کا سلسلہ شروع ہو گیا ، جو دن بھر بھی وقفہ وقفہ سے جارہ رہا ،جس کی وجہ سے سول ہسپتال کے آوٹ ڈور، منیر چوک، ماڈل ٹائون ، سیٹلائٹ ٹائون ، پیپلز کالونی سمیت شہر بھر کی سڑکوں اور گلیوں میں پانی کھڑا ہو گیا، اور نشیبی علاقے بھی بارش کے پانی سے زیر آب آگئے ،تاہم بارش کا پانی کھڑا ہونے سے نمازیوں سمیت شہریوں کو آمدروفت میں شدید مشکلات کا سامنا کرنا پڑا ،جبکہ دن بھر آسمان پر بادلوں کا راج رہنے سے گرمی کا زور ٹوٹ گیا ۔