پشاور دھماکے پر دل خون کے آنسو رو رہاہے،مریم نواز کا اظہار افسوس

(ن) لیگ کے خلاف فیصلے پر فیصلہ کیوں آرہاہے، سب کو سمجھ آرہی ہے (ن) لیگ جیت جو رہی ہے ، میڈیا سے گفتگو

بدھ 11 جولائی 2018 21:34

پشاور دھماکے پر دل خون کے آنسو رو رہاہے،مریم نواز کا اظہار افسوس

لندن (اُردو پوائنٹ اخبارتازہ ترین - این این آئی۔ 11 جولائی2018ء) سابق وزیراعظم محمد نواز شریف کی صاحبزادی اور مسلم لیگ (ن) کی رہنماء مریم نواز نے پشاور میں بم دھماکے کے واقعے پر افسوس کا اظہار کرتے ہوئے کہاہے کہ دل خون کے آنسو رو رہاہے، (ن) لیگ کے خلاف فیصلے پر فیصلہ کیوں آرہاہے، سب کو سمجھ آرہی ہے (ن) لیگ جیت جو رہی ہے ۔

(جاری ہے)

میڈیا سے بات چیت کرتے ہوئے مریم نواز نے کہا کہ پشاور کا واقعہ بہت افسوسناک ہے،دل خون کے آنسو رو رہا ہے، دعا ہے اللہ تعالیٰ ہارون بلور کے درجات بلند کرے۔

انہوں نے کہا کہ بلور خاندان کے لوگ بہت بہادر ہیں، انہوں نے بہت قربانیاں دی ہیں۔ ایک سوال کے جواب میں مریم نواز نے کہا کہ سب سمجھ میں آرہی ہے۔ مسلم لیگ (ن) کے خلاف فیصلے پر فیصلہ کیوں آرہا ہے سب کو سمجھ آرہی ہے، گرفتاریاں کیوں ہو رہی ہیں کیونکہ مسلم لیگ (ن) جیت جو رہی ہے۔ انہوں نے کہا کہ نواز شریف کی مخالفت میں پورے ملک کو دائو پر لگا دیا گیا ہے۔ ایک سوال پر انہوں نے کہا کہ ابو ظہبی میں کسی ملاقات کا علم نہیں۔