مصری کمپنی آئندہ سال سے اسرائیل سے گیس کی درآمد شروع کردے گی

منگل 7 اگست 2018 13:23

قاہرہ۔ (اُردو پوائنٹ اخبارتازہ ترین - اے پی پی۔ 07 اگست2018ء) مصر کی ایک کمپنی اسرائیل سی2019ء کی پہلی سہ ماہی میں گیس کی درآمد شروع کرے گی۔ العربیہ ٹی وی کے مطابق مصری کمپنی رواں سال فروری میں طے شدہ سمجھوتے کے تحت آئندہ دس سال کے دوران اسرائیل سے 15 ارب ڈالر مالیت کی گیس درآمد کرے گی۔

(جاری ہے)

مصر کے توانائی کے شعبے سے تعلق رکھنے والے ذرائع نے بتایاکہ ابتدا میں کم مقدار میں گیس درآمد کی جائے گی جس میں بتدریج اضافہ کیا جائے گا، ستمبر 2019ء تک یہ مکمل مقدار میں درآمد کی جائے گی۔ اسرائیل کی تمر اور لیوایا تھان گیس فیلڈز کمپنی کے شراکت داروں نے فروری میں بتایا تھا کہ وہ مصر کی ایک نجی کمپنی ڈولفینس ہولڈنگز کو آئندہ ایک عشرے کے دوران 64 ارب مکعب میٹر گیس فراہم کریں گے۔