نوجوان نسل میں وطن کی محبت اجاگرکرنیکی ضرورت ہے ،دبیرالدین غوری

اتوار 12 اگست 2018 19:00

کراچی (اُردو پوائنٹ اخبارتازہ ترین - این این آئی۔ 12 اگست2018ء) پی آئی بی سوشل ویلفیئر آرگنائزیشن (پی آئی بی ایس ڈبلیو او) کے تحت چارروزہ جشن آزادی فیسٹول کاآغازہوگیا جس کے دوران طلبہ نے کوئز،نعت اور ملی نغموں کیمقابلوں میں حصہ لیا اور اپنی صلاحیتوں کابھرپوراظہارکیا۔ تفصیلات کے مطابق پی آئی بی سوشل ویلفیئر آرگنائزیشن کی جانب سے ہرسال کی طرح امسال بھی 4روزہ جشن آزادی فیسٹول شروع ہوگیاہے جس میں ابتدائی طورپر کوئز،نعت اور ملی نغموں کے مقابلوں کاپروگرام رکھاگیاہے۔

خواجہ ناظم الدین ہال میں منعقدہ اس پروگرام میں اسکولوں کے طلبہ اوران کے والدین کی کثیر تعداد نے شرکت کی ۔طلبہ وطالبات نے بہترین تقاریر کیں اور اول دوم اور سوم انعامات کے حقدار قرار پائے۔

(جاری ہے)

اسی طرح کوئز کیمقابلوں میں بھی بچوں نے اپنی ذہانت کے ذریعے سوالات کے جوابات دیے ۔اس موقع پر خطاب کرتے ہوئے پی آئی بی سوشل ویلفیئر آرگنائزیشن کے جنرل سیکریٹری دبیرالدین غوری،بلال آصف،الحاج یوسف اسماعیل،محمد سمیع الدین انصاری نے کہاکہ جشن آزادی کی تقریبات کے انعقادکامقصد بچوں کے دل میں نہ صرف وطن عزیز کی آزادی کی اہمیت اجاگر کرناہے بلکہ ان میں آزادی کاشعور بھی پختہ کرناہے کہ جس ملک کے لئے ان کے آباء واجداد نے لازوال قربانیاں دیں اور ہندوبنئے کی غلامی سے نجات دلائی ،انہوں نے مزید کہاکہ طلبہ وطالبات کو اپنی معلومات سے آگاہی دینے کی جتنی ضرورت آج ہے اتنی شاید پہلے نہیں تھی کیونکہ آج کے نوجوان سوشل میڈیا کے ذریعے دنیابھر کی معلومات سے مستفیض ہورہے ہیں ایسے انہیں اپنے دیس کے بارے میں بھی آگاہی ہونی چاہیے انہیں پتاہوناچاہیے ان کے قائد ین کون تھے کس مقصد کے لئے انہوں نے علیحدہ وطن حاصل کیا اور اس آزادی وطن کامقصدکیاتھا ۔

پروگرام میں اختتام پراول دوم اور سوم آنیوالے طلبہ وطالبات کااعلان کیاگیا جنہیں 14اگست کے روز تقریب تقسیم انعامات میں شیلڈز دی جائیں گی اور انعامات سے نوازا جائیگا۔