وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی

حکومت پنجاب تین سال تک پروفیسر ایس ایم منصور کو علاج کیلئے سالانہ ساڑھے 4 لاکھ روپے کی امداد مہیا کریگی

جمعہ 26 اپریل 2024 20:09

وزیراعلی مریم نواز نے جگر کے عارضہ میں مبتلا پروفیسر ایس ایم منصور ..

لاہور (اُردو پوائنٹ اخبارتازہ ترین - این این آئی۔ 26 اپریل2024ء) وزیر اعلیٰ پنجاب مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظور ی دیدی۔ معروف بصری آرٹسٹ، مصنف اور معلم پروفیسر ایس ایم منصور پاکستان کڈنی اینڈ لیور انسٹی ٹیوٹ میں زیر علاج ہیں۔ حکومت پنجاب تین سال تک پروفیسر ایس ایم منصور کو علاج کے لیے سالانہ ساڑھے 4 لاکھ روپے کی امداد مہیا کرے گی۔

(جاری ہے)

پروفیسر ایس ایم منصور پی کے ایل آئی سے اپنا فری علاج کروا سکیں گے۔ وزیر اعلیٰ مریم نواز شریف نے پروفیسر ایس ایم منصور کی فنون لطیفہ کے شعبہ میں خدمات کو سراہا۔وزیرِ اعلیٰ مریم نواز شریف نے پروفیسر ایس ایم منصور کی صحت یابی کے لئے نیک خواہشات کا اظہار کیا۔ پروفیسر ایس ایم منصور نے ثقافتی ورثے کے حوالے سے اہم خدمات سرانجام دیں ہیں۔ پروفیسر ایس ایم منصور کی معروف تصانیف میں Logos from Pakistan اور s Miniatures ’Mansoor شامل ہیں۔