القاعدہ کی صفوں میں شامل برطانوی ایجنٹ کا نیا دعویٰ

نائن الیون سے پہلے القاعدہ کے ارادوں کا علم ہوگیا تھا لیکن یہ اندازہ نہیں تھا کہ اتنا بڑا حملہ ہوگا،کتاب میں انکشاف

منگل 11 ستمبر 2018 13:52

القاعدہ کی صفوں میں شامل برطانوی ایجنٹ کا نیا دعویٰ

واشنگٹن(اُردو پوائنٹ اخبارتازہ ترین - این این آئی۔ 11 ستمبر2018ء) القاعدہ کی صفوں میں داخل برطانوی خفیہ ایجنسی کے ایجنٹ نے دعویٰ کیا ہے کہ اسے نائن الیون سے پہلے القاعدہ کے ارادوں کا علم ہوگیا تھا لیکن یہ اندازہ نہیں تھا کہ اتنا بڑا حملہ ہوگا ۔

(جاری ہے)

میڈیارپورٹس کے مطابق القاعدہ کی جاسوسی کرنے والے ابو العباس نے کتاب میں انکشاف کیا کہ بن لادن کے دست راست المصری نے اسے بلاکر کہا تھا کہ انگلینڈ سے ساتھیوں کو اگست سے پہلے افغانستان بلوانا ہے۔

ابوالعباس نے یہ بھی لکھا کہ المصری نے یہ بھی بتایا کہ کچھ ایسا ہونے جارہا ہے کہ جس کے بعد ہمیں امریکیوں کے افغانستان آنے کا دھڑکا ہے۔مصنف کا نائن الیون حملوں میں شامل زکریا موسوی سے بھی سامنا ہوا، تاہم اس وقت اس کے بارے میں اسے زیادہ معلومات نہ تھیں۔