وزیراعظم عمران خان کی زیر صدارت وزیراعظم کے پنجاب انیشی ایٹو پروگرام کے حوالے سے اجلاس

،وزیراعظم کو مختلف اہداف کے تعین اور ترجیحات کے بارے میں بھی آگاہ کیا گیا صوبائی حکومت کی تمام تر توجہ عام آدمی کی زندگی میں واضح اور نمایاں تبدیلی لانے پر مرکوز ہونی چاہیے،وزیراعظم عمران خان

ہفتہ 10 نومبر 2018 20:37

وزیراعظم عمران خان کی زیر صدارت وزیراعظم کے پنجاب انیشی ایٹو پروگرام ..

لاہور/اسلام آباد۔ (اُردو پوائنٹ اخبارتازہ ترین - اے پی پی۔ 10 نومبر2018ء) وزیراعظم عمران خان نے کہا ہے کہ صوبائی حکومت کی تمام تر توجہ عام آدمی کی زندگی میں واضح اور نمایاں تبدیلی لانے پر مرکوز ہونی چاہیے۔ انہوں نے یہ بات ہفتہ کو وزیراعلیٰ آفس میں وزیراعظم کے پنجاب انیشی ایٹو پروگرام کے حوالے سے اجلاس کی صدارت کرتے ہوئے کہی۔

(جاری ہے)

اجلاس میں صوبے میں طرز حکومت میں اور عام آدمی کی زندگی میں واضح تبدیلی کے حوالے سے وزیراعظم کی زیر نگرانی اور پنجاب حکومت کے زیر انتظام مختلف تجاویز اور ان پر عملدرآمد کے لائحہ عمل پر تفصیلی غور و خوض کیا گیا۔

وزیراعظم کو مختلف اہداف کے تعین اور ترجیحات کے بارے میں بھی آگاہ کیا گیا۔ وزیراع-ظم نے پنجاب حکومت کو طرز حکومت میں اختراعی طریقہ اختیار کرنے کی ضرورت پر زور دیا۔ وزیراعظم نے 29 نومبر کو پنجاب حکومت کے 100 دن کے اہداف پر عملدرآمد کا جائزہ لیا۔ وزیراعظم نے کہا کہ صوبائی حکومت کی تمام تر توجہ عام آدمی کی زندگی میں واضح اور نمایاں تبدیلی لانے پر مرکوز ہونی چاہیے۔