زکریایونیورسٹی میں بریسٹ کینسر کی تشخیص کے لئے فری کیمپ کاانعقاد

منگل 13 نومبر 2018 19:06

ملتان۔13 نومبر(اُردو پوائنٹ اخبارتازہ ترین - اے پی پی۔ 13 نومبر2018ء) جامعہ زکریا ملتان میںفیملی لائینز کلب اورکینسر کیئر ہسپتال لاہور کے تعاون سے ایک روزہ فری میمو گرافی کیمپ ڈاکٹر ثمینہ رفیق کی زیر نگرانی لگایا گیا۔ اس کیمپ کا افتتاح وائس چانسلر پروفیسر ڈاکٹر طاہر امین کے کیا۔ اس موقع پر پروفیسر ڈاکٹر طاہر امین نے اپنے خیالات کا اظہار کرتے ہو ئے کہا کہ کینسر جیسے موذ ی مرض اور پوشیدہ دشمن سے بروقت آگاہی کے لیے فیملی لائینز کلب اور کینسر کیئر ہسپتال لاہور نے جامعہ زکریا ملتان میں میمو گرافی کی سہولت فراہم کرنے والی ایک وین اور عملہ کے ساتھ جامعہ میں ایک دن کے لیے متعین کرکے ایک عظیم فلاحی کارنامہ سرانجام دیا ہے۔

کینسر ابتدائی مرحلے پر تشخیص کی بدولت قابل علاج ہے۔

(جاری ہے)

اس ضمن میں ملتان فیملی لائینز کلب کی کاوشیں قابل تحسین ہیں ۔ ایسے سیمینار اور آگاہی مہم کا انعقاد تسلسل سے ہونا چاہیے۔ کیمپ میں چالیس سے زائد خواتین کے فری ٹیسٹ کیے گئے ۔ واضح رہے کہ اس ٹیسٹ کی پرائیویٹ لیبارٹریزمیں فیس دس ہزار روپے ہے جو کہ بلکل مفت کیے گئے ۔ فری میمو گرافی کیمپ میں پروفیسر ڈاکٹر راشدہ عتیق ، ڈاکٹر صوبیہ چوہان، لیڈی ڈاکٹر ثمینہ رفیق ، صدر لائینز فیملی کلب کامران مسعود ، ہمایوں سعید،رانا ممتاز رسول، محمد یسین، خالد ولی ، محمد عمیر ،محمد محسن عباس، رانا یوسف و دیگر نے شرکت کی۔