ارجنٹائن میں قومی کفایت شعاری پر مبنی بجٹ کی منظوری

جمعرات 15 نومبر 2018 16:50

بیونس آئرس۔ (اُردو پوائنٹ اخبارتازہ ترین - اے پی پی۔ 15 نومبر2018ء) ارجنٹائن کی سینیٹ نے قومی کفایت شعاری پر مبنی غیر مقبول بجٹ کی منظوری دیدی۔ارجنٹائن کو آئی ایم ایف کے 56 بلین ڈالر کے بیل آئوٹ پیکج کے حصول کے لئے سخت شرائط کا سامنا ہے جس کے لئے قومی کفایت شعاری پر مبنی بجٹ تشکیل دیا گیا۔

(جاری ہے)

12گھنٹے کی بحث کے بعد جمعرات کو سینیٹ میں آئندہ سال کے اس بجٹ کے مسودے کی منظوری دی گئی،ووٹنگ کے دوران بجٹ کے حق میں45 اور مخالفت میں24 ووٹ آئے۔

اجلاس کے دوران ارجنٹائنی سینیٹ کے باہر یونین اور سول گروپس بجٹ مخالف مطاہرے میں مصروف رہے۔ارجنٹائن میں افراط زر کی شرح ریکارڈ 40 فیصد پر آچکی ہے اور معشیت کساد بازاری کا شکار ہے۔نئے بجٹ میں شعبہ صحت،تعلیم،سائنس،ٹرانسپورٹیشن،بپلک ورکس اور کلچر سے کٹوتیاں کی سفارش کی گئی ہے۔گذشتہ سال ارجنٹائن کا بجٹ خسارہ جی ڈی پی کے 3.9 فیصد پر آ گئے ہیں۔