قومی خواتین ہاکی چمپئن شپ میں پنجاب نے آرمی کو سنسنی خیز مقابلے کے بعد شکست دے کر فائنل کھیلنے کا اعزاز حاصل کرلیا

اتوار 2 دسمبر 2018 17:20

لاہور(اُردو پوائنٹ اخبارتازہ ترین - این این آئی۔ 02 دسمبر2018ء) قومی خواتین ہاکی چمپئن شپ میں پنجاب نے آرمی کو سنسنی خیز مقابلے کے بعد شوٹ آئوٹ پر شکست دے کر طویل عرصہ بعد فائنل کھیلنے کا اعزاز حاصل کرلیا۔ نیشنل ہاکی سٹیڈیم میں کھیلے جارہے ایونٹ کے پہلے سیمی فائنل میں آرمی کی ٹیم کو فیورٹ قرار دیا جارہا تھا تاہم پنجاب کی پرعزم کھلاڑیوں نے اپنے شاندار کھیل سے ناممکن کو ممکن کردکھایا۔

میچ کا آغاز نہایت برق رفتاری سے ہوا اور پنجاب کی ٹیم مکمل طور پر حاوی رہی۔

(جاری ہے)

قومی ٹیم کے سابق کپتان اولمپئن محمد عثمان کی کوچنگ میں کھیلنے والی آرمی کی ٹیم کے پاس پنجاب کی کھلاڑیوں کے خطرناک حملوں کا کوئی جواب نہ تھا ۔ میچ کے پہلے تین کوارٹر میں پنجاب کی ٹیم کھیل پر پوری طرح چھائی رہی تاہم فاروڈز نے روایتی مسنگ کا مظاہرہ کیا۔ آخری کوارٹر میں آرمی کی ٹیم نے کم بیک کیا اورپنجاب کے گول پرکئی خطرناک حملے کئے لیکن گول کرنے میں کامیاب نہ ہوسکی۔مقررہ وقت کے اختتام پر میچ بغیر کسی گول کے برابر تھا، فیصلہ کیلئے شوٹ آئوٹ پر گول کیپر کے عمدہ کھیل کی بدولت پنجاب نے دو ایک سے فتح اپنے نام کرلی۔