آسٹریلیا میں تحفظ ماحول کے لیے طالبعلم سڑکوں پرنکل آئے

ہفتہ 8 دسمبر 2018 16:57

کینبرا (اُردو پوائنٹ اخبارتازہ ترین - اے پی پی۔ 08 دسمبر2018ء) آسٹریلیا میں مقامی افراد کان کنی کی بھارتی کمپنی ادانی کے ملک کے شمال مشرقی حصے میں کوئلے کے ایک متنازعہ پلانٹ کی تعمیر کے منصوبے کے خلاف سراپا احتجاج بن گئے۔آسٹریلیا میں اس حوالے سے ملک گیر سطح پر احتجاج کیا گیا۔

(جاری ہے)

اس احتجاج کی خاص بات البتہ یہ ہے کہ اس میں اکثریتی طور پر آسٹریلیا بھر کے سکولوں کے بچے شریک ہوئے۔

مظاہرین کا مطالبہ ہے کہ متنازعہ پلانٹ کی تعمیر کا کام بند کیا جائے۔ پچھلے ماہ اسی طرز کے ایک احتجاج کے بعد وزیر اعظم سکاٹ موریسن نے تنقید کی تھی اور کہا تھا کہ طالب علموں کو سکول جانا چاہیے۔ تاہم تحفظ ماحول کی خاطر ہزاروں آسٹریلوی بچوں نے اس تجویز پر عمل نہ کیا اور ملک کے تمام بڑے شہروں میں ہفتہ کو احتجاج ریکارڈ کرایا۔