اوگرا نے پاکستان گیس نیٹ ورک کوڈ کی منظوری دیدی

نئے کوڈز کے تحت تھرڈ پارٹی کو مارکیٹ تک رسائی اور گیس مارکیٹ میں مسابقت اور شفافیت کو فروغ ملے گا، ترجمان

جمعرات 13 دسمبر 2018 17:42

اوگرا نے پاکستان گیس نیٹ ورک کوڈ کی منظوری دیدی

اسلام آباد ۔ (اُردو پوائنٹ اخبارتازہ ترین - اے پی پی۔ 13 دسمبر2018ء) اوگرا نے پاکستان گیس نیٹ ورک کوڈ کی منظوری دے دی۔ نجی ذرائع ابلاغ کے مطابق سوئی سدرن اور سوئی نادرن کمپنیوں نے نئے گیس نیٹ ورک کوڈ ٹرانسپورٹیشن سسٹم کے لئے اوگرا کو بھجوائے تھے۔

(جاری ہے)

ترجمان اوگرا کے مطابق نئے کوڈز کے تحت تھرڈ پارٹی کو مارکیٹ تک رسائی حاصل ہو گی اور گیس مارکیٹ میں مسابقت اور شفافیت کو فروغ ملے گا۔ ترجمان اوگرا کے مطابق نئے کوڈز سے ٹرانسپورٹیشن کا نظام اور گیس کی فراہمی بہتر ہو نے کے ساتھ ساتھ گیس مارکیٹ میں تھرڈ پارٹی کی موجودگی سے ایل این جی کی درآمد بہتر ہو گی، نئے کوڈز سے ملک میں گیس کے بحران سے نمٹنے میں بھی مدد ملے گی۔