نصیرالدین شاہ نے کوہلی کو بدمزاج ترین کھلاڑی قرار دیدیا

پیر 17 دسمبر 2018 20:55

نئی دہلی (اُردو پوائنٹ اخبارتازہ ترین - این این آئی۔ 17 دسمبر2018ء) بھارتی ادا کارہ نصیر الدین شاہ نے بھارتی کرکٹ ٹیم کے کپتان ویرات کو ہلی کو بدمزاج ترین کھلاڑی قرار دیدیا۔میڈیا رپورٹ کے مطابق کچھ عرصہ پہلے ایک پروموشنل ویڈیو میں ویرات کوہلی اپنے ایک مداح کے ان ریمارکس کہ ’’وہ موجودہ بھارتی کھلاڑیوں سے زیادہ انگلینڈ اور آسٹریلیا کے بیٹسمینوں کو پسند کرتا ہے‘‘ پر آگ بگولہ ہوگئے تھے اور جواب میں کہا تھا کہ جو غیرملکی کھلاڑیوں کو پسند کرتے ہیں اٴْنہیں بھارت چھوڑ دینا چاہئے‘‘۔

سوشل میڈیا پرکوہلی کو اپنے اس بیان پر شدید تنقید کا سامنا کرنا پڑا تھا۔اب سینئر اداکار نصیرالدین شاہ بھی میدان میں آگئے ہیں اور ویرات کوہلی کو ’بدمزاج ترین کھلاڑی‘ قرار دے دیا ہے۔

(جاری ہے)

سوشل میڈیا پر ایک بیان میں نصیرالدین شاہ نے کہا کہ ’’ویرات کوہلی ناصرف دنیا کے بہترین بیٹسمین ہیں بلکہ بدمزاج ترین کھلاڑی بھی ہیں،کرکٹ میں اٴْن کی چمک تکبر اور برے رویے کے آگے پھیکی پڑ جاتی ہے اور ہاں میراملک چھوڑنے کا کوئی ارادہ نہیں ہے‘‘سوشل میڈیا پر بھارتی اداکار کے اس بیان پر ملاجلا ردعمل سامنے آیا ۔ بعض کاکہنا ہے کہ آسٹریلینز کو ہرانے کے لئے اس قسم کا جارح مزاج ضروری ہے ،ْ کچھ لوگوں نے نصیرالدین شاہ سے اتفاق کرتے ہوئے کوہلی پر تنقید کی ہے۔