اپنی گرفتاری کا کوئی خوف نہیں ،ْ آصف علی زر داری

کیا رواں ہفتے آپ کی نواز شریف سے ملاقات متوقع ہی صحافی آپ کروالیں کہہ دیں، جو حکم کریں ،ْ سابق صدر کا جواب

پیر 17 دسمبر 2018 21:14

اپنی گرفتاری کا کوئی خوف نہیں ،ْ آصف علی زر داری

اسلام آباد(اُردو پوائنٹ اخبارتازہ ترین - این این آئی۔ 17 دسمبر2018ء) سابق صدر آصف علی زرداری نے کہاہے کہ انہیں اپنی گرفتاری کا کوئی خوف نہیں۔ پیر کوپارلیمنٹ کے اجلاس میں شرکت کے لئے آنیوالے سابق صدر اور پیپلزپارٹی کے شریک چیئرمین آصف زرداری سے صحافی نے سوال کیا کہ آپ نہیں سمجھتے کہ موجودہ حالات میں نواز شریف کے ساتھ بیٹھنا چاہیی جس پر سابق صدر نے کہا کہ آپ کیا کہتے ہیں جو آپ کہیں گے وہ کریں گی ۔

(جاری ہے)

صحافی نے کہا کہ آپ تو مفاہمت کے بادشاہ ہیں، جس پر آصف زرداری نے کہا کہ آپ کہہ رہے ہیں تو مان لیتے ہیں۔صحافی نے آصف زرداری سے سوال کیا کہ کیا رواں ہفتے آپ کی نواز شریف سے ملاقات متوقع ہی جس پر آصف زرداری نے کہا کہ آپ کروالیں کہہ دیں، جو حکم کریں، صحافی نے کہا اسلام آباد میں آپ کی گرفتاری کی باتیں گردش کر رہی ہیں، سابق صدر نے جواب دیا کہ آپ کو ہمیشہ یہی خوف رہتا ہے لیکن مجھے کوئی خوف نہیں۔صحافی نے سوال کیا کہ آپ نے قبل ازوقت انتخابات کے حوالے سے بیان دیا ہے آپ کو کس نے بتایا ہے کہ انتخابات قبل ازوقت ہوں گے، جس پر آصف زرداری نے مسکراتے ہوئے جواب دیا ‘‘اشارہ ‘‘۔