صبا اور عرفان کی ہندی میڈیم کے سیکوئل میں شاہ رخ اور کاجول کی کاسٹ پر غور

منگل 18 دسمبر 2018 14:24

ممبئی (اُردو پوائنٹ اخبارتازہ ترین - این این آئی۔ 18 دسمبر2018ء) پاکستانی اداکارہ صباقمر اور عرفان خان کی بالی وڈ فلم ہندی میڈیم نے اچھا خاصا بزنس کیا تھا جس کے بعد سے قیاس آرائیاں تھیں کہ اس فلم کا سیکوئل بھی بنایا جائیگا۔

(جاری ہے)

بھارتی میڈیا رپورٹ کے مطابق اس حوالے سے بھی رپورٹس سامنے آئی تھیں کہ فلمسازوں نے اس سلسلے میں عرفان خان سے لندن جاکر ملاقات بھی کی، جو نیورو اینڈوکرائن کینسر کے علاج کی غرض سے وہاں موجود تھے تاہم اب رپورٹس سامنے آئی ہیں کہ فلمساز نے بالی وڈ کنگ شاہ رخ خان اور کاجول کو ہندی میڈیم کے سیکوئل میں کاسٹ کرنے پر غور کر شروع کر دیا ہے ،ْیہ قیاس آرائیاں بھی ہورہی ہیں کہ فلم کے ابتدائی اسکرپٹ پر بھی کام شروع کردیا گیا ہے۔

اس سے قبل رپورٹس تھیں کہ عرفان خان فلم کے سیکوئل کے لیے واپس بھارت آئیں گے اور سارہ علی خان ان کی بیٹی کا کردار ادا کریں گی تاہم اداکار نے اپنی خرابی صحت کی بنا پر فلموں سے فی الوقت کنارہ کشی اختیار کر رکھی ہے۔