مزاحیہ اداکار طار ق جاوید کی 13ویں برسی کل منائی جائے گی

پیر 14 جنوری 2019 13:30

لاہور (اُردو پوائنٹ اخبارتازہ ترین - این این آئی۔ 14 جنوری2019ء) تھیٹر کے مزاحیہ اداکار طار ق جاوید کی 13ویں برسی کل بروز منگل کومنائی جائے گی ۔طارق جاوید فیصل آباد میں پیدا ہوئے ، اسٹیج ڈرامہ بشیرا ان ٹربل سے اپنے کیرئیر کا آغاز کیا ۔

(جاری ہے)

انہوں نے اسٹیج پر کئی اداکاروں کو بھی متعارف کروایا جن میں سردار کمال ، نسیم وکی ، سخاوت ناز ، طارق ٹیڈی ، قیصر پیا اور شاہد خان سمیت دیگرشامل ہیں ۔ طار ق جاوید نے بطور فلم پروڈیوسر دو فلمیں وارداتیں اور غیرت بھی بنائیں ۔ انہوں نے 200سے زائد اسٹیج ڈراموں میں اداکاری کی ۔ وہ 15جنوری 2006ء کو کرائون تھیٹر میں ڈرامے کے دوران ہارٹ اٹیک کی وجہ سے دنیا فانی سے کوچ کر گئے تھے ۔