پی آئی اے کے عملے نے ڈومیسٹک فلائٹ کو انٹرنیشنل اسٹینڈ میں پارک کرادیا

طیارہ پندرہ منٹ تک اسٹینڈ پر کھڑا رہا،س دوران نہ مسافروں کو اتارنے کیلئے سیڑھی بھیجی گئی اور نہ بسوں کا کوئی انتظام کیا گیا

بدھ 16 جنوری 2019 17:04

پی آئی اے کے عملے نے ڈومیسٹک فلائٹ کو انٹرنیشنل اسٹینڈ میں پارک کرادیا

کراچی (اُردو پوائنٹ اخبارتازہ ترین - این این آئی۔ 16 جنوری2019ء) پی ائی آے کے عملے نے غفلت اور لاپرواہی کا مظاہرہ کرتے ہوئے پشاور سے آنے والی ڈومیسٹک فلائٹ کو انٹرنیشنل اسٹینڈ میں پارک کرادیا۔پرواز پی کی351پشاور سے کراچی پہنچی تھی، پی آئی اے کے جی او سی نے ڈومیسٹک کے بجائے انٹرنیشنل طیارے کو پارک کرادیا، طیارہ پندرہ منٹ تک اسٹینڈ پر کھڑا رہا۔

(جاری ہے)

اس دوران نہ مسافروں کو اتارنے کیلئے سیڑھی بھیجی گئی اور نہ بسوں کا کوئی انتظام کیا گیا، طیارے کے اے پی یو خراب ہونے کی وجہ سے طیارے میں حبس ہوگیا تھا۔ا س موقع پرمسافروں کو سخت مشکلات کاسامنا کرنا پڑا، طیارے کے کپتان نے عملے کی غفلت اور طیارہ غلط پارک کرانے پر ڈی بریف سی ای او کو روانہ کردی۔ایک ہفتے کے دوران اس طرح کا یہ تیسرا واقعہ پیش آیا ہے، پائلٹ کا کہنا تھا کہ سچویشن روم کو بتانے کے باوجود عمل درآمد نہیں ہوا، مسافروں کو پریشانی اٹھانے کی وجہ سے ایئرلائن کی ساکھ کو نقصان پہنچ رہا ہے، ذرائع کے مطابق طیارے کو ساڑھے تین گھنٹے کے بعد دمام کیلیے روانہ ہو نا تھا۔