موٹروے پولیس نے راستہ بھولنے والی70سالہ بزرگ خاتون کو لواحقین سے ملوا دیا

جمعہ 18 جنوری 2019 17:20

اسلام آباد (اُردو پوائنٹ اخبارتازہ ترین - این این آئی۔ 18 جنوری2019ء) موٹروے پولیس نے بروقت مدد کرتے ہوئے گھر سے دور راستہ بھول کر وکیل خان سٹیڈیم کے قریب 70سالہ بزرگ خاتون کو اپنے لواحقین سے ملوا دیا ۔

(جاری ہے)

تفصیلات کے مطابق مورخہ 18-01-2019بمقام وکیل خان سٹیڈیم کے قریب پیٹرولنگ ڈیوٹی پر معمور SPOعابد حسین ہمراہ SPOمحمدافضل باجوہ نے روٹین کی پیٹرولنگ کے دوران ایک 70سالہ بزرگ عورت کو پریشان پایا پوچھ گچھ کرنے پر معلوم ہوا کہ بزرگ خاتون کا نام بشری بی بی زوجہ ملک محمد بوٹا(مرحوم )ہے۔

اور گھر کاپتہ بھول گئی ہے۔آفیسران نے بہترین حکمت عملی کا مظاہرہ کرتے ہوئے قریبی مسجد میںاعلان کروایااورلوگوںسے پوچھ گچھ کی۔آفسیران کی بروقت کوششوںسے بزرگ خاتون کے گھر رابطہ ہوا۔ مکمل تحقیقات کے بعد بزرگ خاتون کو ان کے بیٹے کے حوالے کیا گیا۔ DIGمحمدعالم شنواری نے افسران کی اس کاوش کو سراہتے ہوئے اس امید کا اظہار کیا کہ افسران اسی طرح اپنی ڈیوٹی الرٹ اور احسن طریقے سے انجام دیتے رہیں تاکہ عوام کی برقت مدد کی جا سکے۔