عالمی برادری کی خاموشی حوثیوں کے جرائم میں مدد کے مترادف ہے‘یمن

مجرمانہ خاموشی نے حوثیوں کے جرائم میں اضافہ کیا‘نائب صدر علی محسن الاحمر کی گفرگو

جمعرات 21 مارچ 2019 20:57

صنعائ(اُردو پوائنٹ اخبارتازہ ترین - آن لائن۔ 21 مارچ2019ء) یمن کے نائب صدر علی محسن الاحمر نے کہا ہے کہ آئینی حکومت نے سویڈن میں طے پائے جنگ بندی معاہدے کے نفاذ کے لیے غیرمعمولی لچک کا مظاہرہ کرتے ہوئے پسپائی اختیار کی مگر حوثی ملیشیا اپنی ہٹ دھرمی پر بدستور قائم ہے۔

(جاری ہے)

خبر رساں ادارے کے مطابق یمن میں متعین امریکی سفیر ماتھیو ٹولر سے ملاقات میں نائب صدر نے کہا کہ عالمی برادری کی مجرمانہ خاموشی نے حوثیوں کے جرائم میں اضافہ کیا۔

عالمی برادری کی خاموشی نے حوثیوں کو اپنے جرائم جاری رکھنے کے لیے حوصلہ فراہم کیا اور انہیں نے ملک میں امن مساعی کو آگے بڑھانے کے بجائے ہٹ دھرمی کا راستہ اپنایا۔علی محسن الاحمر نے کہا کہ حوثی ملیشیا نے حجہ گورنری میں کشر کے مقام پر حجور قبائل کا وحشانہ قتل عام کیا۔