جزیرہ آئرلینڈ میں پٴْرتشدد مظاہرے کی رپورٹنگ کرنے والی خاتون صحافی کوقتل کر دیا گیا

جمعہ 19 اپریل 2019 23:01

ڈبلن (اُردو پوائنٹ اخبارتازہ ترین - این این آئی۔ 19 اپریل2019ء) جزیرہ آئرلینڈ میں جاری سول نافرمانی کی تحریک کے درمیان پٴْرتشدد مظاہرے کی رپورٹنگ کرنے والی معروف خاتون صحافی کو گولیاں مار کر ہلاک کردیا گیا۔عالمی میڈیا کے مطابق آئرلینڈ کے شہر لندن ڈیری میں نامعلوم مسلح افراد نے 29 سالہ خاتون صحافی ’لیرا مککی‘ کو گولیاں مار کر ہلاک کردیا۔

حملہ آوروں کا تعلق ریپبلکن باغیوں سے ہونے کا امکان ہے۔

(جاری ہے)

خاتون صحافی کو اس وقت گولیاں ماری گئیں جب وہ چند شرپسندعناصر کی تخریب کاریوں کی رپورٹنگ کر رہی تھیں، حملہ آوروں نے خاتون صحافی کی مدد کو آنے والی ایمبولینس پر پٹرول بم پھینک کر نذر آتش کر دیا۔پولیس نے صحافی کے قتل کو دہشت گردی کا واقعہ قرار دیتے ہوئے آئرش ریپبلکن آرمی کے خلاف مقدمہ درج کر لیا پولیس نے عوام سے صبر و تحمل سے کام لینے کی اپیل کی ہے۔ آئرش انتہا پسند لندن ڈیری کو صرف ڈیری کہنے پر بضد ہیں جب کہ دیگر لوگ شہر کو پرانے نام لندن ڈیری کہنے پر مصر ہیں۔