پی ایس ڈی پی بجٹ 2019-20ء

قائداعظم یونیورسٹی،اسلام آباد میں پاک چائنا نیشنل سنٹر آن ارتھ سائنسز کے لئے 40کروڑ روپے کے فنڈز مختص، چین کی جانب سے 15 کروڑ یوآن کی معاونت بھی فراہم کی جائے گی

منگل 11 جون 2019 18:24

اسلام آباد ۔ (اُردو پوائنٹ اخبارتازہ ترین - اے پی پی۔ 11 جون2019ء) سرکاری شعبہ کے ترقیاتی پروگرام (پی ایس ڈی پی) کے تحت آئندہ مالی 2019-20ء کے دوران ہایئر ایجوکیشن کمیشن کے زیر انتظام اسلام آباد میں قائداعظم یونیورسٹی میں پاک چائنا نیشنل سنٹر آن ارتھ سائنسز کے لئے 40کروڑ روپے کے فنڈز مختص کئے گئے ہیں۔

(جاری ہے)

پی ایس ڈی پی کے مطابق منصوبہ کی لاگت کا تخمینہ 3ارب50 کروڑ روپے ہے جس میں چین کی جانب سے 15 کروڑ یوآن کی معاونت بھی فراہم کی جائے گی۔ یہ منصوبہ آئندہ مالی سال کے دوران شروع کیا جائے گا جس کی تکمیل سے ملک میں ارتھ سائنسز کی تعلیم و تحقیق کے شعبہ میں طلباء اور سکالرز کو تعلیم و تحقیق کی جدید ترین سہولیات میسر آئیں گی۔