سول ایوی ایشن اتھارٹی : اعلی عہدوں پہ فائز افسران کے تقرری وتبادلے

جمعرات 13 جون 2019 19:52

کراچی (اُردو پوائنٹ اخبارتازہ ترین - این این آئی۔ 13 جون2019ء) سول ایوی ایشن اتھارٹی میں اعلی عہدوں پہ فائز نو افسران کے تقرری وتبادلے کر دیئے گئے، تبادلوں کے حوالے سے باقاعدہ نوٹیفیکیشن جاری کر دیا گیا۔نوٹیفیکیشن کے مطابق ٹرمینل مینیجر علامہ اقبال انٹرنیشنل ایئرپورٹ لاہور محمد انور ضیا کو ڈپٹی ایئرپورٹ مینیجر علامہ اقبال انٹرنیشنل ایئرپورٹ تعینات کر دیا گیا ہے۔

(جاری ہے)

انچارج ائیرپورٹ سروسز آرائیول علامہ اقبال انٹرنیشنل ایئرپورٹ لاہور اظہر فاروق کو ایئرپورٹ منیجر بہاولپور ایئرپورٹ پر تعینات کیا گیا ہے۔اس کے علاوہ سینئر جوائنٹ ڈائریکٹر اسلام آباد ائیرہورٹ زاہد نسیم کو کوئٹہ اور جوائنٹ ڈائریکٹر ایچ آر ہیڈ کوارٹر لطیف یار خان کو کراچی ائیرپورٹ تعینات کر دیا گیا۔نوٹیفیکیشن کے مطابق جوائنٹ ڈائریکٹر محمد اشرف کو ایچ آر بی ایس ایس جبکہ اسسٹنٹ ڈائریکٹر گل بیگ بلوچ کو ڈپٹی ریگولیٹری سیکشن اور اسسٹنٹ ڈائریکٹر انور علی کو ڈی اے اے آر تعینات کر دیا گیا ہے۔