پاکستان قدرتی آفات سے متاثرہ ممالک میں ساتویں نمبر پر ہے، زرتاج گل

موسمیاتی تبدیلی کے باعث پاکستان کو سیلاب، پانی کی کمی، ہیٹ ویوز سمیت قدرتی آفات کا سامناہے، موسمیاتی تبدیلی پر وزیراعظم کا بہت زیادہ فوکس ہے، خطاب

پیر 17 جون 2019 13:19

پاکستان قدرتی آفات سے متاثرہ ممالک میں ساتویں نمبر پر ہے، زرتاج گل

اسلام آباد(اُردو پوائنٹ اخبارتازہ ترین - این این آئی۔ 17 جون2019ء) وزیر مملکت برائے موسمیاتی تبدیلی زرتاج گل نے کہاہے کہ پاکستان قدرتی آفات سے متاثرہ ممالک میں ساتویں نمبر پر ہے، موسمیاتی تبدیلی کے باعث پاکستان کو سیلاب، پانی کی کمی، ہیٹ ویوز سمیت قدرتی آفات کا سامناہے، موسمیاتی تبدیلی پر وزیراعظم کا بہت زیادہ فوکس ہے۔ پیر کو وزیر مملکت برائے موسمیاتی تبدیلی زرتاج گل نے تقریب سے خطاب کرتے ہوئے کہاکہ پاکستان سمیت دنیا بھر میں موجودہ جنریشن موسمیاتی تبدیلی سے سب سے زیادہ متاثر ہواہے۔

(جاری ہے)

زرتاج گل نے کہاکہ موسمیاتی تبدیلی پر وزیراعظم کا بہت زیادہ فوکس ہے۔انہوںنے کہاکہ وزیراعظم عمران خان ایک وڑنری لیڈر ہیں جو ملک کو درپیش موسمیاتی تبدیلی کے اثرات سے آگاہ ہے۔انہوںنے کہاکہ پاکستان قدرتی آفات سے متاثرہ ممالک میں ساتویں نمبر پر ہے۔انہوںنے کہاکہ موسمیاتی تبدیلی کے باعث پاکستان کو سیلاب، پانی کی کمی، ہیٹ ویوز سمیت قدرتی آفات کا سامناہے۔انہوںنے کہاکہ ہماری حکومت نے قدرتی آفات سے نمٹنے کیلئے بلین ٹری سونامی سمیت اہم منصوبے شروع کئے ہیں۔انہوںنے کہاکہ ہماری حکومت نے کلین گرین اینی شیٹو کا آغاز کیا ہے۔