ہیمامالنی کو جھاڑولگانے کے نام پر ڈراما کرنا مہنگا پڑگیا

ویڈیو دیکھ کر ایسا لگ رہاہے جیسے ہیمامالنی کو زبردستی جھاڑولگانے کے لیے کہا گیا ہو

اتوار 14 جولائی 2019 11:35

ہیمامالنی کو جھاڑولگانے کے نام پر ڈراما کرنا مہنگا پڑگیا

دہلی(اُردو پوائنٹ اخبارتازہ ترین - این این آئی۔ 14 جولائی2019ء) بالی ووڈ کی ڈریم گرل ہیمامالنی کو دہلی کی سڑکوں پر جھاڑو لگانا مہنگا پڑگیا سوشل میڈیا پر اداکارہ کو جھاڑو لگانے کے نام پر ڈراما کرنے پر تنقید کا نشانہ بنایا جارہا ہے۔ماضی کی نامور اداکارہ اورسیاستدان ہیمامالنی نے نریندر مودی کی صفائی مہم میں حصہ لیتے ہوئے بھارتی دارالحکومت دہلی میں پارلیمنٹ کے احاطے کے باہر مالیاتی وزیر انوراگ ٹھاکر کے ساتھ جھاڑو لگائی۔

اداکارہ کی دہلی کی سڑکوں پر جھاڑولگاتے ہوئے ویڈیو وائرل ہوگئی جس میں وہ امپورٹڈ اوور کوٹ پہنے آنکھوں پر مہنگے چشمے لگائے جھاڑولگارہی ہیں۔

تاہم ویڈیو کو دیکھ کر ایسا لگ رہاہے جیسے انہیں زبردستی جھاڑو لگانے کے لیے کہا گیا ہو جب کہ ان کے ساتھ موجود مالیاتی وزیر بہت ہی صفائی سے جھاڑو لگارہے ہیں۔

(جاری ہے)

سوشل میڈیا پر ویڈیووائرل ہوتے ہی صارفین کی جانب سے ہیمامالنی کو جھاڑو لگانے کے نام پر ڈراما کرنے پر تنقید کا نشانہ بنایا جارہا ہے اورلوگ ان کی ویڈیو شیئر کراکر اداکارہ کا خوب مذاق اڑا رہے ہیں۔یویو فنی سنگھ نامی صارف نے ہیمامالنی کا مذاق اڑاتے ہوئے لکھا سمجھ نہیں آرہا ہیما جی کچرا صاف کررہی ہیں یا اپنا کچرا کروارہی ہیں ایک صارف نے لکھا اتنی اوور ایکٹنگ کرنے کی ضرورت نہیں، اتنا پاگل نہیں بناؤ۔