کشمیری اپنے خون سے تحریک آزادی کی شمع روشن کیے ہوئے ہیں، رانا عبدالسمیع

جمعہ 16 اگست 2019 20:15

لاہور۔16 اگست(اُردو پوائنٹ اخبارتازہ ترین - اے پی پی۔ 16 اگست2019ء) تحریک انصاف کے سینئر مرکزی رہنما رانا عبدالسمیع نے کہاہے کہ کشمیری اپنے خون سے تحریک آزادی کی شمع کو روشن کیے ہوئے ہیں،کشمیری صرف اور صرف پاکستان سے الحاق چاہتے ہیںاُ ن کو اُ ن کی مرضی کے مطابق آزادی دینا ہو گی، کشمیریوںنے سب سے پہلے 19جولائی 1947ء کو پاکستان کے ساتھ الحاق کی قرارداد منظور کی وہ اس عظیم مقصد کی تکمیل کے لئے پون صدی سے جدوجہد آزادی جاری رکھے ہوئے ہیں اب تک لاکھوں کشمیری اس راہ میں شہید ہوچکے ہیں۔

(جاری ہے)

انہوں نے کہاکہ مضبوط پاکستان ہی کشمیرکی آزادی کا ضامن ہے ،انشاء اللہ وہ وقت دور نہیں جب نہ صرف کشمیر آزاد ہوگا ،کشمیریوں کی واحد اور آخری منزل پاکستان ہی ہے۔ معاشی، دفاعی اور سیاسی اعتبار سے مضبوط پاکستان ہی عالمی برادری کو مجبور کرسکتا ہے کہ وہ کشمیر کی آزادی کے لئے بھارت پر دباڈالیں، کلبھوشن کیس میں شکست سے بھار ت دنیا بھر میں بے نقاب ہوچکا ہے اور عالمی برادری جان چکی ہے کہ خطے کے امن کو تہہ وبالا کرنے میں بھارتی عناصر شامل ہیں۔انہوں نے مزید کہاکہ کشمیر میں ظلم و جبر کا سلسلہ جاری ہے اور عالمی براداری نے آنکھیں بند کی ہوئی ہیں۔