ایرانی تیل کی فروخت پرپابندی کے بعد عالمی آبی گذرگاہیں بھی محفوظ نہیں رہیں گی، حسن روحانی کا انتباہ

جمعرات 22 اگست 2019 12:25

تہران (اُردو پوائنٹ اخبارتازہ ترین - این این آئی۔ 22 اگست2019ء) ایرانی صدر حسن روحانی نے کہا ہے کہ اگرایران کو عالمی منڈی میں تیل کی فروخت سے روکا جائے گا تو عالمی آبی گذرگاہیں بھی محفوظ نہیں رہیں گی۔

(جاری ہے)

ایرانی ٹی وی کے مطابق ایک بیان میں ایرانی صدر حسن روحانی نے کہا کہ اگرایران کو عالمی منڈی میں تیل کی فروخت سے روکا جائے گا تو عالمی آبی گذرگاہیں بھی محفوظ نہیں رہیں گی۔قبل ازیں امریکی وزیرخارجہ مائیک پومپیو نے کہا تھا کہ امریکی صدر نے ایران کو عالمی منڈی میں یومیہ 27 لاکھ بیرل تیل کی فروخت سے محروم کر دیا ہے۔ امریکا کی طرف سے ایران پر دوبارہ پابندیوں کے نفاذ کے بعد تہران کو عالمی منڈی میں تیل کی فروخت میں شدید مشکلات کا سامنا ہے۔