مبینہ طور پر دماغ میں پھنسا کیڑا 30 سالوں سے ایک شخص کے سر کے درد کا باعث بنا رہا
امین اکبر پیر 26 اگست 2019 23:49
ایک 59سالہ چینی شخص کا کہنا ہے کہ انہٰیں پچھلے 30 سالوں سے شدید سر درد کی شکایت تھی۔ کبھی کبھارتوانہیں دورے بھی پڑتے تھے۔ اب ڈاکٹروں نے اُن کے دماغ سے ایک 10 سینٹی میٹر کے کیڑے کو باہر نکالا ہے، جس کے بعد اس شخص کی زندگی بغیر درد کے گزر رہی ہے۔
زہانگ نام کے اس شخص کا کہنا ہے کہ انہیں 1989 سے سر میں شدید درد ہو رہا تھا۔ وہ اپنے دوستوں کے ساتھ تاش کھیل رہے تھے کہ اُن کے ہاتھوں اور بازؤں میں جھٹکے لگنے لگے۔
(جاری ہے)
پچھلے ماہ انہیں پتا چلا کہ یہ علامات اصل میں دماغ میں کیڑے کے پھنسنے کی بھی ہو سکتی ہیں۔
2015 میں زہانگ کے گوانگڈونگ صوبے میں واقع پہاڑی گاؤں میں آگ بھڑک اٹھی۔ وہ دوسروں کے ساتھ آگ بجھا رہے تھے کہ اسی دوران انہیں دورہ پڑا۔ اس کے بعد تو سردرد اور دوروں میں شدت آتی گئی۔ ایک بار تو انہیں ہر ماہ ہی دورہ پڑنے لگا۔
زہانگ نے کئی ہسپتالوں کے بہت سے ڈاکٹروں کو چیک اپ کرایا۔ ہر کسی کا ایک ہی جواب تھا کہ یہ مرگی ہے۔ خوش قسمتی سے گوانگژہو کے ایک ہسپتال کے ڈاکٹروں نے اُن کی کھوپڑی کا ایم آر آئی سکین کیا کھوپڑی کے ایک حصے میں عجیب و غریب زخم ملے۔ خون کے ٹسٹ سے بھی پتا چلا کہ اُن کے جسم میں طفیلی کیڑے ہیں۔ جلد ہی ڈاکٹروں کو پتا چلا گیا کہ یہ اُن کے دماغ میں موجود ہے اور اس کا سائز 10 سینٹی میٹر ہے۔
ڈاکٹروں نے ہنگامی بنیادوں پر اُن کی سرجری کر کے دماغ میں سے 10 سینٹی میٹر کے اس کیڑے کو نکال دیا۔
ہسپتال کے نیوروسرجری ڈیپارٹمنٹ کے چیف ڈاکٹر، یان شیچیانگ نے بتایا کہ دریا کا تازہ پانی پینے اور اچھی طرح نہ پکائے گئے جانور جیسے سانپ اور مینڈک وغیرہ کھانے سے بھی پیراسیٹک انفیکشن ہو سکتی ہے۔ زہانگ نے اعتراف کیا کہ اُن کےگاؤں میں دریا کا تازہ پانی پینا اور مینڈک کھانا عام بات ہے۔ یہ یقین کرنا مشکل ہے کہ یہ کیٹرا انسانی دماغ میں 30 سالوں تک زندہ رہا۔ اسے کافی پہلے مر کر انسانی جسم میں حل ہو جانا چاہیے تھا۔
مزید عجیب و غریب خبریں
-
دبئی کے شہر العین کے گورنر شیخ طحنون النہیان انتقال کر گئے، ملک میں 7 روزہ سوگ
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.