پولیس جوان عزادری میں شرکت کے لئے آنے والے معمر اور معذور افراد کو مجالس تک پہنچنے میں مدد فراہم کرتے رہے، ڈی آئی جی آپریشنز

بدھ 11 ستمبر 2019 23:45

لاہور۔11 ستمبر(اُردو پوائنٹ اخبارتازہ ترین - اے پی پی۔ 11 ستمبر2019ء) ڈی آئی جی آپریشنز لاہوراشفاق خان نے کہا ہے کہ یومِ عاشور کے موقع پر لاہور پولیس کے جوان آئی جی پنجاب کیپٹن(ر) عارف نواز خان کے ویژن کے مطابق بہتر رویوں اور کمیونٹی پولیسنگ کو فروغ دیتے نظر آئے۔یوم عاشور پر لاہور پولیس نے خدمت انسانیت کے بھی کئی کام کئے۔

(جاری ہے)

پولیس کے جوانوں نے کہیں عزاداروں میں کھانا تقسیم کیاتو کہیں کمسن بچوں اور بوڑھوں کو پانی پلاتے رہے۔

لاہور پولیس کے جوان عزاداری میں شرکت کے لئے آنے والے معمر اور معذور افراد کو مجالس تک پہنچنے میں مدد فراہم کرتے رہے۔ شہر کے مختلف علاقوں میں پولیس اہلکاروں نے نہ صرف اپنے فرائض منصبی بہترین طریقے سے ادا کیئے بلکہ بزرگ زائرین، خواتین اور بچوں کا بھی خصوصی طور پر خیال رکھا۔ڈی آئی جی آپریشنز نے کہا کہ عوام کا تحفظ اور ان کی خدمت پولیس کی ذمہ داری ہے۔