پنجاب کے سرکاری و نجی سکولوں اور مدارس میں تشدد کے بڑھتے واقعات کیخلاف پنجاب اسمبلی میں قرارداد جمع

جمعہ 13 ستمبر 2019 17:08

لاہور(اُردو پوائنٹ اخبارتازہ ترین - این این آئی۔ 13 ستمبر2019ء) پنجاب کے سرکاری و نجی سکولوں اور مدارس میں تشدد کے بڑھتے واقعات کیخلاف پنجاب اسمبلی میں قرارداد جمع کرادی گئی ۔

(جاری ہے)

مسلم لیگ (ن) کے رکن ملک ظہیر اقبال کی جانب سے جمع کروائی گئی قرا ر داد کے متن میں کہا گیا کہ پنجاب اسمبلی کا یہ ایوان حکومت سے مطالبہ کرتا ہے کہ سرکاری و نجی سکولوں اور مدارس میں بچوں پر تشدد کے حکم پر عملدرآمد کرایا جائے۔

محکمہ تعلیم ااور وزارت داخلہ تمام سرکاری و نجی سکولوں اور مدارس کو خصوصی مراسلہ جاری کریں۔سابقہ دور حکومت میں وزیر اعلیٰ شہباز شریف نے سکولوں کو ’’مار نہیں پیار‘‘ کا خصوصی حکم نامہ جاری کیا تھا۔پنجاب کے تعلیمی اداروں اور مدارس میں بہمانہ تشدد کے واقعات میں مسلسل اضافہ ہو رہا ہے۔