پیمر کی مولانا فضل الرحمن کی کوریج رکوانے کا معاملہ، جمعیت علماء اسلام نے انسانی حقوق کی عالمی تنظیموں سے رابطہ

جمعیت علمائے اسلام (ف)کے مرکزی سیکرٹری جنرل سینیٹر مولانا عبدالغفور حیدری کی جانب سے عالمی تنظیموں کو خط لکھ دیا گیا

اتوار 20 اکتوبر 2019 14:40

پیمر کی مولانا فضل الرحمن کی کوریج رکوانے کا معاملہ، جمعیت علماء اسلام ..

اسلام آباد (اُردو پوائنٹ اخبارتازہ ترین - این این آئی۔ 20 اکتوبر2019ء) پیمرا کی جانب سے جمعیت علماء اسلام کے سربراہ مولانا فضل الرحمن کی کوریج رکوانے کے معاملے پر جمعیت علماء اسلام نے انسانی حقوق کی عالمی تنظیموں سے رابطہ کرلیا ۔ ذرائع کے مطابق جمعیت علمائے اسلام (ف)کے مرکزی سیکرٹری جنرل سینیٹر مولانا عبدالغفور حیدری کی جانب سے عالمی تنظیموں کو خط لکھ یا گیا ۔

جمعیت علمائے اسلام (ف) کی جانب سے ایچ آر سی پی، آئی ایف جے، ایمنسٹی انٹرنیشنل اور رپورٹرز سینز فرنٹیر کو خط لکھا گیا ۔

(جاری ہے)

خط میں کہاگیاکہ جے یو آئی پاکستان کی بڑی سیاسی جماعت ہے ، جس کے ملک بھر میں لاکھو ںووٹرز ہیں ۔خط میں کہاگیاکہ 2018 کے انتخابات میں دھاندلی ہوئی جس کے خلاف جے یو آئی نے آواز اٹھائی تو پیمرا نے پابندی عائد کردی ، سیاسی جماعت ہونے کہ ناطے احتجاج ہماراہ آئینی اور جمہوری حق ہے۔خط میں کہاگیاکہ ملک بھر میں جے یو آئی کے لاکھوں کارکنان موجود ہے، جنکی آواز کو پیمرا غیر جمہوری طریقہ سے دبانے کی کوشش کر رہی ہیں۔ خط میں کہاگیاکہ عالمی انسانی حقوق کی تنظیموں کو چاہئے کہ وہ جے یو آئی کی آواز بنے اور پیمرا کے اس رویہ کو عالمی سطح پر بلند کرے۔